اهلا اهلا بالعيد ..
October 12, 2007
اهلا اهلا بالعيد ..
كل سنه وانتم بخير يعيدوا عليكم وع كل اللى بتحبوهم بخير وبصحه وبسلامه
اهلا اهلا بالعيد
مرحب مرحب بالعيد
هييه هييه هييه
العيد فرحه واجمل فرحه تجمع شمل قريب وبعيد
سعدنا بيها بيخليها ذكرى جميله لبعد العيد
غنوا معايا غنوا قولوا ورايا قولوا
كتر يارب ف اعيادنا واطرح فيها البركه وزيد
جانا العيد اهوووو جانا العيد
اطربينا ياست صفاء وقولىىى ...
http://rapidshare.com/files/62046258/Safaa_abo_elso3ood_-_ahlan_bel3eed.rm
يارب يبقى عيد سعيد عليكم جميعااا نفر نفر ..نفرايه نفرايه
ويارب تكونوا قضيتوا رمضان بالصوره اللى تتمنوهاه واديتوا عبادتو بالصوره اللى تحبوها
وربنا يتقبل مننا ومنكم يارب .. ويجمعنا ف رمضان الجاى بأمر الله
الى اللقاء غدا بأمر الله ف مظاهر العيد ..
Posted at: 03:07 PM | 0 Comments | Add Comment | Permalink
مرحبا بكم ف العدوه ..!!
October 10, 2007
مرحبا بكم ف العدوه ...
النهارده كنا نازلين الفيلد والفيلد لينا نحن اطباء المستقبل زى السايت للمهندسين كده
تبع الكوميونتى اللى هى الصحه العامه او طب المجتمع
طبعا مفروض بننزل الوحده الصحيه وناس مننا تكلم الدكاتره والممرضات
وكل ستااف الخدمه الصحيه وكمان بيجيبوا ريكوردس بعدد الناس اللى اترددت ع الوحده
واكتر الامرض اللى موجوده وعدد المواليد وعدد الوفيات وحجات جامده كده
وناس تانيه بتنزل تتكلم مع الناس ف الشوارع برده عن الحاله الصحيه ف البلد
وكانت المهزله ...
...........................
ركبنا الباص م الكليه واتجهنا الى قرية العدوه محافظة الشرقيه
واحنا ماشيين بقى عمالين نغنى الاغنيه الشهيره
يقطع الطب وسنينو ... مع ميوزك وتلحين وغناء ولعلعه
ولا كأننا معانا دكاترة القسم كلو ف الباص
وصلنا القريه بقى
جامده جدااااااااااااااا اللوحه اللى ع باب الوحده دى
تحسسك انك داخل جمعيه استهلاكيه صحيه
ال اللولب ب 2جنيه ونص والحبوب معرفش بكام الكيلوو
دخلنا بقى لقينا الريسبشن ههههههههههههههه ماشاء الله
لقينا واحد لابس جلباب ابيض كدا صباح الخير يااريس
ومفيش احسن م صورة بابا حسنى ان انت تدخل وتلاقيه ف شرف استقبالك كدا
هو فى كده ياناس
ا
فين دكتور الوحده ... لا الدكتوره مجتش اصلها بتعمل كحك كل سنه وانتو طيبين
طيب فين الممرضين .....
[More]
Posted at: 11:18 PM | 0 Comments | Add Comment | Permalink
الفطار .. كان تحفه
October 6, 2007
وحشتونىىىىى جدننننننننننن
ومش هقعد اقول كل شويه.. نسبه للنظريه النونيه
ايه الاخبار .. ياااه انا بجد حاسه انى ف دوامه
ايه ده حاسه انى ف حلم هوب اول يوم دراسه هوب رمضان هيخلص
هوب اول امتحان بعد العيد .. والواحد مش ملاحق ع كل الهووبات ده
المهموز .. ان سنه رابعه كده مبدأيا شكلها مريحه ال حدا ما
وطبعن مريحه دى عندنا يعنى اشغال شاقه لبتوع تجاره
الله يسهلووووو ياحاج
الواحد والله كل يوم عن يوم بيزيد حقدو وغلوو م بتوع تجاره واداب وكل بتوع الكعب العالى دول
يلا كل واحد بياخد ع قد مابيعمل
تعمل خير تاخد خير
تعمل شر تاخد شر
تعمل بتنجان تاخد بتنجان
اسكتوااااااااا كنت مصورولكم شوية صور للجامعه عندنا والكليه ف اول يوم دراسه
اوعىىىىىىىىىىى
بس للأسف وبنبرة حزن شديده اعلنها عاليه مدويه
ان الصور ادلتت م ع الموبايل بقدرة قادر
معرفش موبايلى ده ولا موبايل الشعب
بلاقى عليه حجات غريبه وحجات تتمسح
المهم انو يفضل ف جيبى وخلاص
روحنا فطار الكليه اول امبارح بس كان هايلللللللل تحفه تحفه تحفه
كان فيه شوية اسكتشات وفوازير ومقالب تجنن
ونجم نجوم الاطباء عندنا
خليفة عمرودياب القادم ايهااب غنى وابدع الصراحه
وكان يرافقه ف العزف عمرو ومحمد اكمل دياب
شبليين م عيلة عمرو دياب بجد...
[More]
Posted at: 04:47 PM | 0 Comments | Add Comment | Permalink
سينما .. 1 الضهر
August 31, 2007
ازيكم ايه الاخبار ..
طبعا لا اخفيكم سرا المشروع باظ هههه
بس انا لن اتغاضى عن فكرة التكافل الاجتماعى ف المعاش ده
والله ياجدعان هنوفر فلوس كتير م ورا الحوار ده ..
ومش هضحك عليكم يعنى ومقلكوش انى مبدأتش احط عينى ع فلوس جدى
هههههههههه ربنا يكرم ..
اول اول امبارح خرجنا اتغدينا ودخلنا سينما احتفالا ان احنا خلصنا السيزون
وكمان علشان بقيت صحباتنا اللى ف الشله خلصوا امتحان الباراسيتولوجى
اللى كانوا مأجلينو ... فقررنا نحتفل احتفال محصلش بقى
لدرجة م قوة الاحتفال رجعنا وكل واحده حرارتها 43 سيلزيوس
دخلنا سينما م 1 ل 3 معاد بقى اوعىىىى
كل السينما كوبلات مزوغيين وداخلين سينما
طب احنا ع اخر الزمن نتساوى معاهم
يلا برده اهو الصيط ولا الغنا هههه
المهم انا فضلت متابعه الحدث ..
وطبعا بصيرتى المتقده دايما لقطت وبسهوله جدا
ان كل اللى قاعدين لابسين دبل
هههههههههههههههههه
وده ملوش غير تفسير واحد
لا مش ان احنا عنسنا يعنى
اخرسسسسسسسسسسس
ده تفسيرو ان احنا بينضحك علينا
مش احنا انا وصحباتى
لا احنا كمجتمع يعنى
ماهو عندهم حق برده انت استحاله هتبص لاتنين لابسين دبل وتقول حاجه
ولو بصيت ولقيتهم بيعملوا حاجه مش هتقول غير ان ربنا يكرمهم ويتمملهم ع خير
ف اشته دبلتين بخمسين جنيه ويبقوا ف السليم ومفيش اى...
[More]
Posted at: 05:25 PM | 0 Comments | Add Comment | Permalink
انـــ وجدى ـــا
August 22, 2007
ازيكم ايه الاخبار الحمدلله تمام
النهارده سالت جدى سؤال غبى جدا
معرفش والله بس هى طقت ف دماغى وساللت بقى
جدى هو حضرتك بتاخد معاش كام ؟؟
ليه يابنتى عايز تموتينى وتسرقى كل اللى حيلتى ؟؟
لا ياجدو بجد والله
محتاجه فلوس يعنى ؟؟
ياحاج جيب السبع ميخلاش بس بجد قول بقى
مع ان مش فاهم ليه؟؟
خلاص كنت لسه هقولو سيبك ياحاج مش مهم هو حضرتك هتخنقنى
ياعينى ع الادب حضرتك هتخنقنى ونعم الاخلاق ذاك الشبلايه م هذا الاسد
فنطق جدى اخيرا وقال .. قبل طبعا مقوله متخنقنيش ياجدى والا لو كنت قلتلو
كان دلوئت بكتبلكم اليوميه م المستشفى عنبر الحميات
الظريف اللى بيقول ايه جاب الحميات هنا
وانت مالك يااخى مكنوش هيلاقولى مكان ف الكسور فهيحطونى ف الحميات
وربنا يجعل مستشفيات مصر عمار
نرجع مرجوعنا واقولكم جدى بياخد معاش كام
مش محتاجه اوصفلكم حالتى بعد مسمعت الرقم
اغمائه بسيطه مع كرشة نفس مستقطعه
واضطراب حاد ف التنفس وانقباض غير مصحوب بانبساط ف عضلة القلب
مع تشدد ف المفاصل وتيبس ف الاسنان
ايه ده ده انا نسيت اقلكم المبلغ
طيب انا هكتبو وانا مغمضه عنيا علشان متحصليش نفس الحاله
اصل انا ربنا يعافيكم لما بشوف رقم اكتر م صفرين بيغمن عليا ع طول
1750 جنيه
ماشاء الله...
[More]
Posted at: 09:36 PM | 0 Comments | Add Comment | Permalink
انكساراتــ نفســ
August 19, 2007
هُنَا أَتَى وَجَعِي وَاهِنًا -1- (أَلَمْ) -2- (يَأسـ) -3- (حَنينـ) -4- (سَخَط) -5- (جُمُود) -6- (رَجَاء) -7- حِكَايهـ) -8- (حَقيقَهـ) -9- (غُرور) -10- (مَهْزَلَهـ) -11- (يَقين) -12- (إنْسِكَابـ)
بقلم المبدعه ,, عـيــ الحياه ــن
Posted at: 10:20 AM | 0 Comments | Add Comment | Permalink
احدثكم م العاصمه
August 16, 2007
ها ايه الاخبار .. ياااه الواحد بيتواا وحشواا والله
ال يعنى .. معلش شوية حبشتكنات بس علشان لو بابا قراها يدينى علاوه تشجيعيه ولا حاجه
اوعى وشك
الواحد لو كان ف يوم م ذات الايام يقلولوا انه هيدخل نت م حتة موبايل مكنش ممكن يصدق
ال يعنى كان هيصدق لو قالولو ان هيبقى ف موبايل اصلا
فودافون ثرى جى بروود باند
انا فودافون
ايه ده الحلاوه ده والفن ده
ايه ده ياكنج الراجل ده يوم عن يوم بيتطور
مش عارفه بعد كده هيروح فين
هو ف كده ياناس
يعنى حتة كليب ياكينج بجد حسسنى انك بتحب البت م قرون والله
مع انه بسيط جدا بس كالعاده ياعمور بتعرف ازاى تعزف ع اوتار قلوبنا
بقت لعبتك ياكنج
اخلاق ولا اروع شغل ولا اروع فن ولا اروع
ربنا يخليك لجمهورك ياعمور كده وتفضل تبدع وتبدع ولو انى برده زعلانه منه علشان البوستر
بس يلا لكل جواد هفوه
سمعتوا بقى البوم محمد نور
اهو ده بقى خليفة عمرو دياب بحق يعنى
تسلملى عنيك حته حب شبابيه روشه كده
اغنيه ديابيه اصليه يعنى
تسلملى عنيك ياشاغلنى عليك ده انا بحلم بيك وانا حتى معاك
م لمسة ايد الشوق بيزيد وتاخدنى بعيد واحلم وياك
حاجه عتاب مع فراق مع خوف جاممده
واحشك اوى نفسك...
[More]
Posted at: 03:33 AM | 0 Comments | Add Comment | Permalink
حبيبى خساره تجبلى المراره وتعلى الحراره
August 11, 2007
ازيكم وحشتونى جدا يااااه اخر مره كتبت كان م اربع شهور وشويه
يااااه الواحد كان مطحون والله السنادى ياجدعان
كنا ف كابوس ومعرفش انا ليه كده محبوس
ياااااه هم وانزاح يامرسى
مرسى مين .. يلا متاخدوش ف بالكم
الجو حر اوى ياجدعان هو خرم الاوزون هيفضل شادد علينا كتير كده
المهم عندى كلام كتير اوى عايزه اكلمكم فيه فمبدئيا كده هديكم سبوتات
ياوادددد يامريكانى انت
ال سبوتات ال
الله يرحم
ايه ده انا بشرد لنفسى ولا ايه
.....
اول سبوتايه .. انى توصلت لاختراع ماسنجرى نتى حكايه .. اختصرت الفى ل ف والمن ل م والعلى ل ع
...............
تانى سبوتايه .. انى نجحت طبعا الحمدلله كان نفسى اجيب امتياز لانى تعبت اوى السنادى
بس محصلش نصيب الحمدلله ع كل حاجه وجبت ج ج للسنه التالته ع التوازى ويكفينى شرف المحاوله
...............
رابع سبوتايه .. انى تفوقت ع نفسى بعد صراع مرير ودخلت المطبخ ونجحت ف عمل اول صنية مكرونه
وكانت النتائج مرضيه بغض النظر عن ان اللى فوق اتحرق واللى تحت اتحرق واللى جوا مستواش كويس
...............
خامس سبوتايه .. انى لحد دلوئت محتفظه بخفة دمى الملحوظه وقدرتى الهايله ع الاستظراف بمواجهة كل الضغوط
والامور المسببه بل والدافعه راسا الى الكئابه بل وال الانتحار...
[More]
Posted at: 01:16 PM | 0 Comments | Add Comment | Permalink
انـا مـش معاهـم
March 29, 2007
مساء الفل عليكم
كيف الحال
انشالله بكل خير
النهارده خلصنا امتحانات بعد متشنيرنا
كما قالها ميدو وحقا معرفش معناها حرفيا بس اعرف معناه الضمنى
ان احنا اتثبتناا ف الامتحانات
خرجنا طبعا جايبين جاز بقالنا اسبوع منمناش ومطحونين بجد وداخلين ع اخر السنه اللى هبدا ف 29/4
فقلنا لازم نقضيها النهارده علشان نفرفش عن نفسينا هبابه
المهم اتجمعنا وقلنا يلا ع بركة الله اليوم بيبسى وغدا زى ماترسى ترسى
وروحنا طالعين ع ميزو
واللى موش ساكن ف زقزوقتى حبيبتى ميعرفش ماهو ادمان كريب ميزو
من احلى الكريبات اللى ممكن تدوقها ف حياتك ان لم يكن احلاها ع الاطلاق
لا تقلى كريب عبده سالمونيلا اللى ع اول شارعكم ولا كريب تيفود المدينه اللى ف القوميه
المهم روحنا واكلنا
جت واحده فاعلة خير الصراحه
ايه ده يابنات بتاكلوا كريب
انا قلت بس البونيه رشقت عنييها الجوز ف البتاع يبقى علييه العوض
اتفضلى ياستى
لا لا هو انتو معرفتوش ان فيه ناس ا كلت كريب قريب وجالهم هيباتيتس
هيباتيتس حته واحده ياست الكتكوته هو انتى بتكلمى ناس ف تجاره انتساب قسم احياء مثلا
هيباتيتس ايه اللى هيجى من الكريب ده
ده كان رد واحده معانا ف الدفعه بس لاتفقه شىء ف اى شىء ههههه
فاحنا قلنالها اسكتى انتى تعرفى الهيباتيتس ده ايه اصلا
خلاص يابنتى سيبيها ع الله وبعدين هيباتيتس هيباتيتس هتفرق...
[More]
Posted at: 08:42 PM | 0 Comments | Add Comment | Permalink
the first day of clinical medicine
March 26, 2007
او بمعنى اصح لي لة العذاب الاولى
اول ليله ليا ف التدريب الطبى باعتبار انى لسه بيبى دكتور ومعرفش المشرط من سلاكة السنان بس ميمنعش برده انى كنت فاهمه شويه ف الطب مكنتش جاهله يعنى المهم برده انا رايحه ع ان الحياه وردى والدنيا ربيع ومن حسن حظى الجامد ان اول ليله نزلتلى ف الجدول انها نبطشيه يعنى من 5 العصر ل 5 تانى يوم انا اتبسطت جامد وقلت زى الفل دى بليل ده مبيجيش حالات ع اد واحد جاله حساسيه ولا ارتفلعه الضغط ولا عيل زوغير وسخن وهتبقى فل يعنى اينعم اسمع ان السكن هناك زباله والجو كله ريحة ادويه وفورمالين بس عاتى محنا اتعودنا ع الحجات ده ف المشرحه بقى مبقتش تفرق وبعدين برده مهما كان ده مستشفى وصحه يعنى اكيد لازم هتبقى نضيفه يعنى ده صحه ياخوالنا مش لعبه
المهم امى بقى من الضهر وهى بتكويلى البالطو تقلش رايحه اعمل عمليه تيم ورك مع مجدى يعقوب وعملتلى سندوتشات ( ياامى سندوتشات ايه ربنا يهديكى .... ايوه عشان مش هتعرفى تاكلى حاجه هناك ))
المهم جت الساعه 4 ولبست وتانقت وبرفيم ولمعت الشوز وع سنجة خمستاشر يعنى وخدت البالطو وشنطة السندوتشات ههههههه وخرجت م الباب وانا اردد اغنية انا رايحه المستشفى اخدم... [More]
Posted at: 03:29 PM | Permalink
ياسمسمه ياجامد
